كذبات الشباب والبنات..!!

كذبات الشباب والبنات..!!
ليش الشاب صارت الخيانه تمشي بدمه؟
ليش مايرتاح إلا اذا جرح حبيبه؟
ليش يحب يكلم بدل الوحده عشر؟
ليش يلعب على هذي وهذيك؟
ليش يكذب ويلف ويدور؟
ليش البنت بعروقها الخيانه؟
ليش تعشم الواحد وتصدمه؟
ليش تكلم هذا وهذاك احتياط؟
ليش تختار الشاب لفلوسه؟
ليش تكذب وتخدع وتغدر؟

**كذبات الشباب:

1_انتي اول وحده اكلمها بحياتي
(قصده اول وحده يكلمها بهالساعه)
2_والله انا بالدوام محجوز
(وهو طاق برا ومسافر)
3_معزوم عالعشاء عند عمامي شوي اكلمج
(وهو طالع شرق ومارينا مايبيها تدق تسمع الازعاج)
4_تلفوني مشغول الدوام داقين علي مو قاعد ارد
(وهو محوله خط واحد ويكلم)
5_احبج ومابي احد غيرج
(وهو حافظها من كثر مايرددها)
6_عندي بدل السياره ثلاث
(وحده مالت رفيجه وحده مالت ولد عمه ووحده مأجرها)
7_انا اشتري بالبورصه وابيع
(حامض على بوزه عنده سهم واحد)
8_ماعندي بالماسنجر ضايفه الا انتي البنت الوحيده
(وهو مضيع هذي وين عرفها وبأي موقع ضايفها)
!!!!!!

**كذبات البنات:

1_اول شاب اكلمه هو انت
(هااااااا قصدها شاب غير الريال والشايب والمراهق)
2_معاي انتظار اكلم خالتي
(وهي طاقتها سوالف مع ثاني)
3_طالعه مع الوالد مشوار قريب
(قصدها طالعه اواعد الاحتياط الثاني)
4_تلفوني مغلق هاليومين والله جهازي انسرق
(يعني اشترلي جهاز وهي محولته مغلق يطلع خدمة موجود)
5_والله اسفه فصل بويهك خلص رصيدي
(وهي اللي مسكرته بالعمد يعني اشترلي كرت واشحنه)
6_انا دلوعة ماما وبابا
(وهي بالبيت مسترجله وتهاوش مره مع امها ومره مع ابوها)
7_لاتدق انا ادق عليك قاعده مع الاهل
(وهي طالعه مع واحد عشان مايدق وتنفضح عند الاثنين)
8_باجر عيد ميلادي
(اصلا كل الايام عيد ميلادها عشان تجيب لها هديه)
9_احبك وانت بحياتي الوحيد
(الله جم واحد وواحد رددتها له)
10_صدقني محد يعرف رقمي الا انت
(صح محد يعرفه غيره بس الرقم الثاني الكل يعرفه الا هو)

الصرااااااااااااااااااااااااحه هذا اللي قاعد نشوفه هالأيام والا وين الحب النظيف والصدق والصراحه والوفاء
بقولكم قصة شاب لو اثق في احد نفسه بعرف ان الدنيا للحين بخير بس والله اتحدى واحد منكم يسوي نفسه
هذااااااااااا الحب والا بلاش:

شاب طبعا موعربي مافي امل ؟ كان مع حبيبته بشقتهم طلب منها انها تجهز العشاء وهو قاعد يطالع التلفزيون ينتظر تخلص العشاء
فجأه صار انفجار انفجر الغاز بالمطبخ وتوفت حبيبته بوقتها
تدرون شسوى راح وخيط عينه بابره وخيط تدرون ليش؟؟؟؟؟؟؟؟؟
عشان تكون حبيبته هي اخر وحده شافتها عينه
والله هذي قصه حقيقيه صايره بهولندا امانه انت يالشاب والا انتي يالفتاة تسوون اللي سواه والله بتذكرونه يوم شهر وان كثر سنه وتنسونه وتشوفون غيره

(تبون الصج افكر شنو هالفضاوه يعني حبيبتك صارت دخنه وانت تدور الابره والخيط)

لاتعذر بحتياجك كلنا ناقص حنان @@@ كلنا طفل يتمنى أي شخص يحضنه