ابيك تسمع ..

موضوع: ابيك تسمع .. الثلاثاء يونيو 10, 2008 4:24 pm

أبيك تسمع
شي فيني ودي تسمعه شي فيني ودي تفهمه
لا .. لا.... لا تستعجل لا تقول شي
أنا بسولف وأنت بس اسمع
أبيك تسمع وش يقول قلبي ........ ؟
يهمس.. ينبض .. يحب
تعلقت فيك حيل وحبيتك واعتقد انك تدري
بس ما ادري وش هي أسبابه ؟
خفة دمك .. طيبة قلبك .. لالالالالا....... كلك على بعضك
يمكن إني ما استاهل أكون بقلبك
ويمكن احد ساكن وسط قلبك
أرجوك لا تحكي خلني أتكلم .....
أنا ما ألومك إذا حبيت غيري .. إذا هويت غيري ..ولا ألومك إذا ما اخترتني
الحب ما هو غصب
الحب همسة مشاعر قلب .. يحكي ويحكي ويتألم
مثلي الحين احكي واكتب وأتألم ..................................
يمكن تفكر فيني وتحس ويمكن لا ...... بس ما ألومك
بس خلني احبك
حتى إذا حبيتك وش اللي راح يأثر عليك فيه
بس تخيل انك حبيتني .... ؟
انك عشقتني ووديتني يمكن تقول.... لا ما أبي
ويمكن تقول أحرجتني
ويمكن تقول إيه تحبني
بس ما راح أحرجك ولا أسألك
بس خليني احبك
يمكن تقول الحب من طرف واحد اشلون يكون لا طعم ولا لون
برد عليك وأقول بيكون بالنسبة لك شي عادي بتلف الدنيا ولا تبالي
لأنك الطرف الثاني اللي ما يباني
أما بالنسبة لي بيكون شي خيالي روعة أحلامي
باستمتع بكل لحظة فيها حبيتك وانك أصبحت كل حياتي لأني وبكل اختصار أنا الطرف الأول المحب للطرف الثاني
هذا كل شي ودي انك تسمعه
عسى ما ضايقتك يالغالي

دمتم بود..